應該改成："同事之多，無奇不有"

主角又係我。。。加。。。一位快退休既同事，我地暫且叫佢做DrC.

時間：今早上班時間
地點：碰到唔想見到既人但係一定就唔甩既 －＞＞ 升降機

等緊lift，DrC問: "點呀？聽講你就離開喇喎。"

我："係呀，咦你都知道喇。。。"

入lift，此時同事黃大導演加入。。。

DrC繼續："咁咪好囉，係度做無前途架，尤其你後生仔呀。。我無咩所謂呀仲有兩年退休 〔註：呢樣野我每次見到佢都講)！"

我 （滴汗中）："errr....唔係唔係。。。"(尷尬位係：黃大導亦係後生仔。。。)

DrC再0黎："唔係咩？成日做埋晒無謂野。。。邊有前途唧"

黃大導反擊："嘩個個好似你咁諗唔使做喇"

"唔係咩？囉六位數字人工果班個個唔使做（按：矛頭直指大導0既老闆），我地就做埋晒無謂野。。。唉。。。做政治助理咪好囉。。（下刪十萬字）"

我 （心諗：點解咁耐都未到七樓。。。）
----------------------------