O泡果奶 ???
相信大家每朝返工之前 （如果你係八半前會開電視睇無線新聞既話），都會受到同樣既折磨 － 無錯。。係旺旺廣告系列 － 係無錯－系列。。。你可以未食完個早餐就記得晒旺旺所有產品。
當然，唔使多講，大家都知道旺旺廣告出名精彩同令人印象深刻，其中 "男仔女仔配" 同埋 "你都黎食一＊甩＊ 呀" 尤其值得深思。
今朝又提到個比較少見既：
每次睇完旺旺廣告，除左笑同鬧之外，實在又有好多野唔明。。。佢地唔係質素問題咁簡單，而係。。。廣告內容，對白，主角等等係可以完全同個產品冇任何關係架囉！仲有佢D產品名稱更令人摸不著頭腦－ 咩叫O泡果奶？ 有咩成份？ 點O泡法？ 未飲都O晒咀啦！
仲有九唔搭八既 "Come on Baby！"我都依家都剩係記得呢句野。。但係唔記得賣咩產品喎 （原來係QQ糖）！
不過可能呢個就係成功之道！
5 comments:
我曾經真係為O左類似o既問題問過一個做廣告O既親戚。我最唔明o既係，呢o的擺明香港人十萬個死樣o既廣告，點解會屣錢O係香港落呢？
個原因好簡單，只係大陸商人想做一個假象，就係 "香港都興O架" O黎吸引人買。我地從來都唔係個 target audience。
therefore，"O 泡果奶" 可能用普通話讀O既話有特別o既意思或者 connotation。This we leave for future research。
根本你問我 "果奶" 就已經唔知係乜啦！yogurt drink？
我地做呢行當然要有研究精神啦。。。
拿就噉。。經過初步網上調查. ,Here are some of our initial findings：
旺旺點解咁抌本拍無謂廣告 － 確實係一個錢字！台資大陸上市公司。。。係大陸台灣好受歡迎 （其實厚燒海台我都幾鍾意食既！）
呢個台灣網更加形容旺旺係"陪伴我們度過成長歲月的零食"
http://big5.am765.com/jm/tqfc/200711/t20071113_304648.htm
拿。。。至於O 泡果奶，
我上過旺旺官方網站睇，都冇乜頭緒，甚至更加死樣：
"口感清爽無比，特別適合女性及兒童，喝的感覺就像戀愛的滋味，酸酸甜甜，草莓的芬芳，誘惑100%。"
英文版更加係笑爆咀：
http://www.want-want.com/en/proudct/show.asp?classid=21&parentid=6
不過真係好野！做咁無謂既零食做到佢上晒市。。。可能就係佢地係宣傳方面既勇氣同膽識啦！
你旺、我旺、大家旺。。。YEAH!
i only can recall the song will prompt up everytime when the ad end...memory in 5 5 2 2 1 , lyric sing in mandarine "旺旺真好味"....(I dont want to recall) ^8^
我真係好少見O泡果奶呢個廣告啊...
btw, 佢既廣告最有用既地方就係...
令我都九唔搭八咁不奇然講一句: "Come on Baby！"
汀： 咁即係你時間上配合唔到。。。。。朝早一定有架。。。好精彩架！
wakakak..peg peg...同邊個講先？？？
Post a Comment